"Әжесінің бал бұлағы"

qarmaqshy-tany.kz Алдашбай ахун ауылдық клуб үйінде "Әжесінің бал бұлағы" атты әже мен немере байқауы өткізілді. Байқау 6 кезеңнен тұрды.

1. Таныстыру (Әжесімен немере бірлескен түрде, өлең жолдарымен, қара сөзбен таныстыру)

2. "Көтерейік көңілді ән-жырменен" (Өз өнерлерін көрсету)

3. "Әжемнің бал татыған тағамдары" (өз қолымен дайындаған ас мәзірін таныстырып өту)

4. "Әжем айтқан ертегі" (немересіне ертегі айтып беру)

5. "Сыр сандық" (сұрақ-жауап сайысы)

6. "Ұлтымыздың ұмытылмас өрнектері" (әжесі өз қолымен жасаған туындысын әкеп жасалу жолымен таныстыру)

Қазылар алқасының шешімімен l орынды Оразова Фатима иеленді, ll орынды Тоқмаханова Ләтифа және Ерманова Дана иеленді. lll орынды Шүкірова Света және Әбдіраманова Тұрсын иеленді.

Барлық қатысушыларға клуб үйі ұжымы атынан бағалы сыйлықтар мен дипломдар табыс етілді. Сонымен қатар байқауға қатысқан немерелерге Пайызханқызы Гүлнар апа демеушілік жасады. Ауыл тұрғындары осы шараны ұйымдастырған клуб ұжымына өз алғыстарын айтты.