"Жәмиғы қазақ бір туған"

qarmaqshy-tany.kz Аудан әкімінің қолдауымен, К.Рүстембеков атындағы аудандық  жыраулар үйінің ұйымдастыруымен Сыр сүлейі Базар жырау  Оңдасұлының туғанына 180 жыл толуына орай "Жәмиғы қазақ бір туған" тақырыбында облыстық жыраулар фестивалі өтіп жатыр.

Фестивальді елімізге танымал жырау, халықаралық, республикалық жыр додаларының жеңімпазы Серік Жақсығұлов жүргізуде.

Фестивальге жиналған қауым киелі өнерді жанына серік еткен  Сыр шайырлары мен сүлейлерінің ізбасары Қазақстан Республикасының еңбегі сіңген Мәдениет қайраткері Берік Саймағамбетов, жырау, облыстық халық шығармашылығындамыту орталығының маманы Ораз Әлшібеков, Шиға ауылдық Б.Тәңірбергенов атындағы ауылдық мәдениет үйінің көркемдік жетекшісі Еркебұлан Шыңжанов, аудандық К.Рүстембеков атындағы Жыраулар үйінің директоры, белгілі өнер қайраткері Айгерім Ешбаева, Қызылорда қалалық Оқушылар үйінің үйірме жетекшісі Болат Баймұратов, Қазақстан Республикасы "Мәдениет саласының үздігі" төсбелгісінің иегері, Н.Бекежанов атындағы музыкалық драма театры директорының орынбасары Серік Жақсығұловтар жырдан шашу шашып, көрерменінің құлақ құрышын қандырды.

Облыстық дастан жырлаушылардың жыр фестивалі жоғары деңгейде аталып өтті.