КӨРКЕМСУРЕТ ГАЛЕРЕЯСЫНДА ҚЫЛ ҚАЛАМ ШЕБЕРЛЕРІ КЕЗДЕСТІ

Кеше Көркемсурет галереясында Елбасының "Болашаққа бағдар: Рухани жаңғыру" бағдарламалық мақаласы аясында, Қызылорда қаласының 200- жыдық мерей той қарсанында қызылордалық суретшілердің «Кездесу» атты көрмесі ұйымдастырылды.Оған Қызылорда облысының суретшілерінің қолынан шыққан 80-нен астам кескіндемелік шығармалары қойылды.
Көрмеге бейнелеу өнеріне өз үлестерін қосып келе жатқан Сыр елінің суретшілері – Темірбек Сағымбаев, Ғалымжан Тлеубергенов және Гульнара Тәжіктің шығармалары ұсынылған болатын. Шараға Қазақстан Суретшілер одағы Қызылорда облыстық филиалының төрағасы, мәдениет қайраткері Амангелді Кененбаев, Қазақстанның еңбек сіңірген қайраткері, Қазақстан театр одағының мүшесі Н.Бекежанов атындағы қазақ музыкалық-драма театрінің көркемдік жетекшісі Хусейн Әмір-Темір және АҚ «ПЕТРОҚАЗАҚСТАНРЕСОРСИЗ» қамтамасыз бөлімінің қызметкері Молдабек Шегенбаевтар қатысып, суретшілердің шығармашылығына табыс тіледі.
Айта кетейік, көрме сағат 9.00-дан 19.00 аралығында 15 сәуірге дейін жұмыс жасайды.