2018 жылғы 17 наурыз күні сағ 11-00 де Н.Бекежанов атындағы қазақ музыкалық драма театрында Қазақстанның еңбек сіңірген мұғалімі, Қызылорда қаласының құрметті азаматы Нағима Абдулқызы Ахмадееваның туғанына 100 жыл толуына орай "Ұлағатты ұстаз Нағима Ахмадеева – 100 жаста" тақырыбында көрме ұйымдастырылды.Көрменің мақсаты Нағима Абдулқызы Ахмадееваның өмір жолын жас ұрпаққа кеңінен таныстыру. Көрмеге облыстық тарихи-өлкетану музейі мен архив қорында жинақталған Қазақстанның… еңбек сіңірген мұғалімі Н.Ахмадееваның фотосуреттері мен құжаттары қойылды. Нағима Абдулқызы 5 наурыз 1918 жылы қазіргі Солтүстік Қазақстан облысы Петропавл қаласында дүниеге келген. 22 шілде 2003 жылы Қызылорда қаласында дүниеден өткен. Қазақстанның еңбек сіңірген мұғалімі (1957 ж). Семей мұғалімдер институтын бітірген (1936 ж ). 1936-1943 жж облыс мектептерінде мұғалім, 1943-1945 жж Петропавл қаласының аудандық партия комитетінде бөлім меңгерушісі, 1945-1950 жж Қызылорда қалалық атқару комитетінде бөлім меңгерушісі, 1950-1952 жж қалалық партия комитетінің хатшысы қызметін атқарған. 1952-1978 жж Қызылорда қаласындағы №112 Ә.Молдағұлова атындағы орта мектептің директоры болды. Н.Ахмадиева Қызылорда қаласының Құрметтті азаматы. Ленин ордені және бірнеше медальмен марапатталған.