Оқушыны біліммен қатар өнер мен тәрбиеге баулуда және кәсіптік бағдар беруде үйірменің маңызы зор. Балаға қосымша білім беретін ұйымдардың ішінде аудандық оқушылар үйінің үлесі зор. Атап айтар болсақ, мұнда гуманитарлық, тарихи-өлкетану, спорттық, ғылыми-техникалық, био-экологиялық, көркем-шығармашылық, музыкалық бағытта түрлі үйірме жұмыс істейді.

Жақында оқушылар үйінде 2019-2020 оқу жылының басталуына орай «Сәлем саған, өрісі кең Ақ ордам!» атты салтанатты шара өтті. Аталмыш шараға аудандық білім бөлімінің әдіскері Ақтолқын Тоқшылықова, ата-аналар, ұстаздар және үйірме мүшелері қатысты. Жаңа оқу жылының ашылуымен оқушылар үйінің директоры Индира Әбдібекова құттықтап, қонақтар балаларға жылы лебізін білдірді. Мерекеде алғашқы қоңырау соғылып, роботтар көрмесі тамашаланды. Балалар іс-шараны әнмен әрледі.