Жемқорлық - қоғам дерті

Бүгін сағат 15:00-де Аудандық оқушылар үйінде «Сыбайлас жемқорлықсыз қоғам – жарқын болашақ кепілі» атты дөңгелек үстел болып өтті. Бұл жиынға Нұр Отан партиясының Қармақшы ауданы филиалының кеңесшісі Г.Жалелова, аудандық «Қармақшы таңы» газетінің тілшісі А.Әли, Қармақшы аудандық прокуратурасының прокуроры, кіші әділет кеңесшісі Е.Мусаев, аудандық білім бөлімінің әдіскері Ж.Демеубаева мен аудандық оқушылар үйінің директоры И.Әбдібекова қатысты. Дөңгелек үстелде ұстаздар мен қонақтар ойларын еркін жеткізіп, пікір алмасты. Жемқорлықпен күреске арнайы түсірілген бейнероликтер көрсетілді. Жалпы шараға қатысушылар арасында «қанталапай» ойыны ойналып, түрлі сұрақтарға жауап алынды.