Мұғалімдер бас қосқан жиында аудандық оқушылар үйінің директоры И.Әбдібекова, «Атамекен» үйірмесінің жетекшісі Д.Құлмахова Жолдау төңірегінде ой қозғады. Бұқаралық-ұйымдастыру бөлімінің жетекшісі М.Аймаханова Елбасы Жолдауына жалпы шолу жасап, негізгі түйінді тұжырымдарды жасады. Тіл мамандары «Адами капитал – жаңғыру негізі» міндеті бойынша өз ойын ортаға салып, білім берудің жаңа сапасы, мұғалім мәртебесін арттыру жұмыстары, жаңартылған білім мазмұны туралы айтты. Төртінші өнеркәсіптік революция жағдайындағы тарихи өрлеу бастауында тұрған біртұтас ұлт болуымыздың бағыт-бағдарын бағамдап берген Президент Жолдауы Қазақстан халқы үшін маңызды құжат болатындығы туралы ортақ ой өрбіткен аудандық оқушылар үйі ұжымы басқосудан жарқын леппен тарасты.