Сала мамандарын қабылдады
Тамыз айының үшінші жексенбісінде елімізде дене шынықтыру саласы мамандарының кәсіби мерекесі аталып өтеді. Осы орайда Халықаралық «Қазақ тілі» қоғамы аудандық филиалының төрайымы К.Раева айтулы мереке қарсаңында спорт саласының қызметкерлерін қабылдады.
Алғашқы құттықтау сөзді ауданның құрметті азаматы, Халықаралық «Қазақ тілі» қоғамының алқа мүшесі Әбдірахман Құлдүйсенов алып, спортшылардың қоғам өміріндегі маңыздылығына тоқталып, байрақты бәсекелерде еліміздің намысын қорғауда сәттілік тіледі. Мұнан соң филиал төрайымы Күлжауһар Раева спортшыларды кәсіби мерекесімен құттықтап, сала қызметкерлеріне алғыс хат пен бағалы сыйлықтар табыстады. Атап айтар болсақ, №15 мамандырылған жасөспірімдер мен балалар спорт мектебінің самбодан нұсқаушысы Марат Асылов, аудандық спорт клубының нұсқаушысы Бауыржан Райысов, №16 спорт мектебінің қызметкері Гүлмира Нұрханова, аудандық спорт бөлімінің қызметкері Ұлдана Қалмұрзаевалар алғыс хатпен марапатталды. Спортшылар да өз тарапынан ризашылығын білдіріп, ел намысын, байрағын жоғары көтеріп жүруге уәде берді.
Ақнұр САҒЫНТАЙ
