Аудан әкімдігінде аудан әкімінің орынбасары Суйеубаев Жалғас Оңғарұлы аудандық жер қатынастары бөлімінің басшысы Өтегенов Бақытжан Әлиханұлын зейнеткерлік жасқа толуымен құттықтап, ауданның ең жоғарғы наградасы саналатын «Құрмет» Грамотасын табыс етті.

Бақытжан Әлиханұлы өзінің саналы ғұмырын мемлекеттік қызмет саласына арнап, көп жылдар бойы су шаруашылығы, жер салаларында ел үшін аянбай еңбек етті.

Кездесуде сөз алған аудандық мәслихат хатшысы Марат Наятұлы Бақытжан Әлиханұлының өз ісіне адалдығымен, жауапкершілікпен атқарған қажырлы қызметі үшін ризашылығын білдірді.

Бақытжан Әлиханұлы мемлекеттік қызметте білікті басшы, тәжірибелі ұйымдастырушы ретінде әріптестерімен жас мамандарға үлгі көрсетіп келеді.