Ұлттың қазығы да, қазынасы да – тіл

Қармақшы аудандық сотында мемлекеттік тілдің мәртебесін көтеру мақсатында «Ұлттың қазығы да, қазынасы да - тіл»  тақырыбында семинар сабағы өткізілді.

Семинар барысында бас маман-сот отырысының хатшысыҚ.Есханов: «Мемлекеттік қызмет мемлекеттік саясатты жүзеге асыратын биліктің бірден-бір құрылымы  болса, мемлекеттік тілді дамыту мемлекет саясаттарының бірі. Сондықтан әрбір мемлекеттік қызметкердің ұлтымыздың қазынасы мемлекеттік тілді білуі міндет. Тілдің қолданысын тиісті деңгейіне көтеру біздің парызымыз. Мемлекеттік тіл – мемлекеттің бүкіл аумағында қоғамдық қатынастардың барлық саласында қолданылатын мемлекеттік басқару, заң шығару, сот ісін жүргізу және іс қағаздарын жүргізу тілі болғандықтан мәртебесі жоғары болуы тиіс» екенін атап өтті.

Шара соңындасот  төрағасы Д.Кентбаев әрбір мемлекеттік қызметкер тілді дамытуға үлес қосуына міндетті екендігін түсініп, іс жүзінде парызын адалдық танытса, ұлттың қазығы да, қазынасы да тіліміздің абыройының асқақтайтыны анық екенін атап өтті.

Қайнар: 

Қармақшы аудандық сотының баспасөз қызметі