Жосалы кентіндегі «Coworking» орталығында «Аймақта отбасылық-демографиялық саясатты дамыту» әлеуметтік жобасы қызметін жүзеге асыру аясында «Отбасы- ұлттық құндылықтарды қалыптастырудың қайнар көзі» атты психологтардың қатысуымен тренинг өтті.

Шарада Қазақстан халқы ассамблеясы жанындағы Аналар кеңесі және облыстық әйелдер кеңесінің төрайымы Мусаева Нұрсауле Дүйсембайқызы алғы сөз сөйлеп, бүгінгі тақырыптың мазмұны жөнінде түсіндірме жұмыстарын жасап, тренинг жүргізді.

Қармақшы ауданы әйелдер кеңесінің алқа мүшесі Раева Күлжауһар Төлегенқызы, Облыс әкімі жанындағы әйелдер істері және отбасылық-демографиялық саясат жөніндегі комиссия хатшысы Үмбетова Бибігүл Ахметуллақызы, Қармақшы аудандық психологиялық кабинет меңгерушісі Мусаева Ләззат Сұлтанбекқызы ауданымыздағы әйелдер қауымымен тренинг тақырыбына сәйкес сұхбат жасады.

Шараға батыр аналар, аналар кеңестері мүшелері мен түрлі салада жетістікке жеткен әйел азаматтар, жас отбасылар, өмірдің қиын жағдайында қалған қыз-келіншектер, әлеуметтік аз қамтылған топ өкілдері қатысты.

Тренинг соңында қатысушылар пікір алмасып, өз ойларын, ұсыныстарын білдірді.