ҚР Білім және ғылым министрлігінің тапсырмасына сәйкес, 2020 жылға дейінгі тұжырымдамасын іске асыру жөніндегі іс-шаралар жоспарын жүзеге асыру мақсатында «Отбасы сағаты» республикалық акциясы қоғамда отбасылық құндылықтарды насихаттау, отбасын, ата-анасын, туыстарымен жақындарын бағалау, құрметтеу сезімдерін кеңейту, отбасындағы қарым-қатынастың беріктілігін нығайту және ұрпақтар сабақтастығын дамыту жөніндегі жұмыстарды жүргізу мақсатында Қармақшы аудандық білім бөлімінде жұмыстар жүргізілді. №277 мектепте 1-4 сыныптарда сынып сағаттары өткізіліп, ата-аналарға арналған әдеби-музыкалық қойылым көрсетілді. 6-7 сыныптар «Жанұяммен мақтанамын» тақырыбында видеоролик (1-3 мин) түсіру жұмысын жүргізді, сыныптарында көріп, үздік жұмысты мектеп фейсбук желісінде жариялады. 5 сынып оқушылары «Мен ата-анамнан үлгі аламын!» тақырыбында жанұялық суретін ендіріп, шағын шығарма жазу жұмысына қатысты, сыныптарында оқылып, үздік жұмысты мектеп фейсбук желісінде жариялады. №185 мектепте ата-аналар арасында «Отбасым -діңгегім» тақырыбында тренинг, 7-сыныптың ата-аналары арасында «Мен отбасыммен бақыттымын» тақырыбында сайыс өткізілді. Білім беру мекемелерінде 2019 жылдың 15 мамырында Халықаралық отбасы күніне арналған жалпыұлттық ата-аналар жиналысы өтілді. Жиналыста отбасы құндылығы, оқушылардың өмір қауіпсіздігі, жазғы демалыс т.б. мәселелер қаралды.