"Отбасы сағаты" - "Час семьи"
15 мамыр күні 2019 жылы №79 негізгі мектебінде "Отбасы сағаты" - "Час семьи" тақырыбында жалпы ата-ана жиналысы өткізілді. Мақсаты - қоғамда отбасылық құндылықтарды насихаттау, отбасын, ата-анасын, туыстарымен жақындарын бағалау, құрметтеу сезімдерін кеңейту, отбасындағы қарым-қатынастың беріктігін нығайту және ұрпақтар сабақтастығын дамыту жөніндегі жұмыстарды жүргізу. Жиналыс барысында "Ата-аналардың бала тәрбиесіндегі жауапкершілігі" тақырыбында баяндама тыңдалып, бейнероликтер көрсетіліп, жадынамалар таратылды. Жиналыс соңында "Отбасы татулығы" тақырыбында сыныптан тыс жұмыс, "Жанұя бақыты" тренингі," Ынтымақ, бақытты отбасы" тақырыбында үлгілі отбасылармен кездесу, "Біз салауатты отбасымыз" тақырыбында спорттық отбасылық сайыстар өткізіліп, ата-аналар бір бірімен пікір алысып, қазіргі таңда ата-ананың рөлі туралы ой түйінделді. Қорытындылай келе бүгінгі ата- ана жиналысы мақсатты, мазмұнды өтті.
