Аудандық орталық кітапхананың «COWORKING» орталығында Ақай ауылдық модельдік кітапханасының кітапханашы Қ.Нұрмағанбетованың ұйымдастыруымен Елбасының «Рухани жаңғыру» тұғырнамасы және «Ұлы даланың жеті қыры» мақаласы аясында «Ұлы даланың көне сарындары» жобасын насихаттауға арналған «Күмбірлеп Қорқыт сарыны үн қатады...» атты күй толғау кешін өткізді. Мақсаты: сегізінші ғасырда өмір сүрген түркі халықтарының атақты ақыны, ғұлама ойшыл, күйші Қорқыт баба туралы,аңыздарды, деректерді оқып, танысу арқылы зерттеушілік, шығармашылық даналығын арттыру, өскелең ұрпақты ұлттық өнерге баулу. Өз елінің тарихына деген сүйіспеншіліктерін арттыру. Қорқыт – оғыз-қыпшақ қауымынан шыққан сұңғыла дана, ақылгөй, батагөй, сәуегей, асқан абыз, жырау, қобызшы, қазақ бақсыларының пірі, күй атасы. Қазақ музыкасы мен философиясында «Қорқыт күйі», «Қорқыт сарыны», «Қорқыт толғауы», «Тәңір биі» дейтін рухани сұлулық пен ізгілікке бөленген үздік дәстүрлер, сырлы мақамдар қалыптасып дамыған.