ӘРІПТЕСІМІЗ АЛҒЫСПЕН ОРАЛДЫ
Кеше Қызылорда облыстық ішкі саясат басқармасы мен «Мәртебелі Қазақстан» қоғамдық қорының ұйымдастыруымен «Мемлекеттік тіл және БАҚ» облыстық байқауының жеңімпаздарын марапаттау шарасы өтті. Байқауға қатысушылардың жұмысын облыстық «Сыр бойы» газетінің бас редакторы Қуат Әбішұлы басқарған қазылар алқасы бағалап қорытындылады.
Әріптесіміз, «Қармақшы таңы» газеті бас редакторының орынбасары Сәрсенкүл Жаудатбекқызы Райымбаева да аталмыш байқауға қатысып, алғыспен оралды. Газет бетіне жарияланған тұщымды мақаласы үшін ақшалай сертификатқа ие болды.
Ұжым ұйытқысын мереке қарсаңындағы марапатымен құттықтап, шығармашылық шабыт тілейміз.
Қармақшытаңылықтар.
