ӘРІПТЕСІМІЗ МАРАПАТТАЛДЫ
 | Мереке қарсаңында әріптесіміз «Қармақшы таңы» газетінің тілшісі Айнұр Әли облыстық жастар саясаты мәселелері басқармасы басшысы Қуаныш Жанұзақовтың Алғыс хатымен марапатталды. |
Өңірде жастарға байланысты түрлі мемлекеттік бағдарламалардың орындалуы мен ерекшеліктерін тілге тиек етіп жүрген талантты журналистің бұған дейін қоғамдағы түрлі тақырыпты қаузаған мақалалары газет бетінен көрініп жүр. Жастардың басындағы түйіні тарқамаған түйткілдер мен ерекше дарыны бар жастарды газет бетінен көрсетіп, елге танытуда еңбегі зор Айнұр Айдарқызының болашақта алар асуы да мол.
– Жастардың белсенділігі көңілге қуаныш ұялатады. Елдің болашағының жарқын болуы да осы толқынға байланысты. Мұндай жастар балы ауданда алғаш рет өткізілуде. Бастамасы да жаман емес. Алдағы жастар жылынан да үмітіміз зор, – деген басқарма басшысы әріптесіміздің еңбегіне жеміс тіледі.
Дәулет ҚЫРДАН,
«Қармақшы таңы».
