ҚОҒАМДЫҚ САНАҒА ТЫҢ СЕРПІН БЕРДІ

Жуырда Қызылорда облыстық ішкі саясат басқармасы мен «Самұрық» инновациялық идеяларды дамыту орталығы қоғамдық қорының ұйымдастыруымен «Сыбайлас жемқорлықпен күрес – ортақ парызымыз» тақырыбында тұрғындармен жиын өтті. Оған мемлекеттік қызметкерлер, ішкі істер органы, білім және мәдениет саласының қызметкерлері қатысты. Аудандық жастар ресурстық орталығында бас қосқан атаулы мекеме мамандары жемқорлықсыз қоғам түзу жолындағы келелі мәселені сөз етті. «Самұрық» инновациялық идеяларды дамыту орталығы қоғамдық қорының директоры Жандос Бектайұлы мен орынбасары Жанар Алтынбасова сөз сөйлеп, тұрғындардың құқықтық сауаттылығын арттыру мақсатында түсіндірме жұмысын жүргізіп, қойылған сұрақтарға жауап берді. Қатысушылар ұсыныс-пікірін ортаға салып, сауалнама толтырды.