№275 орта мектеп жанындағы "Жұлдыз" жазғы тынығу лагерінің оқушылары 7 мөлтек аудандағы қалалық саябаққа саяхат жасап, көңілді ойындар ойнады. Мақсаты - оқушыларды табиғатты қорғауға баулу, эстетикалық тәрбие беру, қимыл-қозғалыстарын дамыту. Оқушылар саябақта лагерь ұраны мен әнұранын хормен айтып, қызықты ойындар ойнады. Саябақтағы субұрқақтың көрінісі оқушыларды керемет әсерге бөлеп, көтеріңкі көңіл-күймен қайтты. "Жұлдыз" лагерінің жұмыс жоспарына сәйкес тіл және қолөнер үйірмелері және спорт секциялары жұмыс жасайды. Осы орайда, ағылшын тілі пәнінің мұғалімі - А.Якудаева лагерь оқушыларымен түрлі ойындар жүргізіп, сергіту сәттерін жасады. Оқушылар ағылшын тіліндегі жаңа сөздермен танысып, жұмбақтар мен сөзжұмбақтар шешті. Сондай-ақ, оқушылармен "Күлкі сыйла" акциясы өткізілді. Осы акция аясында "Көңілді фотобутофория" іс шарасы жүргізілді. Жалпы фотобутофория дегеніміз- суретке түсу кезінде белгілі бір атмосфераны қалыптастыру үшін қолдан жасалған бұйымдар жиынтығы. Бұл шара мақсаты-оқушыларды еркін қарым-қатынасқа түсуге баулу, көңіл күйін көтеру, достықтарын нығайту. Шара барысында оқушыларға смайликтерді қолдана отырып, күлкілі қалыпта суретке түсу ұсынылды. Осы акция аясында мектептің педагог-психологы Г.Есенбаева оқушылармен психологиялық тренинг өткізді. Сондай-ақ, оқушылармен "Жайдарлы жаз" тақырыбында эссе жазу мен "Жемқорлыққа жол жоқ!" тақырыбында сурет салу мен "Кел, билейік" би сайыстары өткізілді. Барлық сайыстардың жеңімпаздары дипломмен марапатталды.