«Аудандық және оған теңестірілген сотта іс қағаздарын жүргізу» тақырыбында семинар сабағы өткізілді.

Қармақшы аудандық сотының қызметкерлері арасында «Аудандық және оған теңестірілген сотта іс қағаздарын жүргізу» қағидасына еңгізілген өзгерістер талқыланды.

Іс-шараны кеңсе меңгерушісі Е.Мәтжанов ашып, сөз кезегін баяндамашы бас маман Р.Бисеноваға берді.

Бас маман Р.Бисенова қазіргі таңда аудандық соттарда іс қағаздары осы жаңа қағидаға сай жүргізілетінін, аудандық соттағы кіріс-шығыс хат-хабарларын қабылдау, тіркеу, жіберу тәртібі, сот істері мен материалдарды тіркеу және есепке алу, сот істерін олар қаралғаннан кейін ресімдеу, апелляциялық және жеке шағымдар мен наразылықтарды қабылдау және есепке алу, қылмыстық, азаматтық, әкімшілік істер бойынша сот актілерін орындауға жіберу тәртібіне кеңінен тоқталып өтті.

Іс шара барысында кеңсе меңгерушісі Е.Мәтжанов соттарға құжаттарды электрондық құжат нысанында беру құралдарын техникалық қолдану қағидасымен таныстырып, инновациялық технологиялардың қолдану мүмкіндіктері мен оларды пайдаланудың оң жақтары туралы айта отырып, электрондық жүйелер арқылы ақпараттарды жедел алумен, уақыт пен қаражатты үнемдеумен, сот төрелігіне қол жеткізуді оңайлатумен сипатталатынын айтты.

Семинар соңында қатысушылар өзекті мәселелерді талқылап, қорытындылар жасап, басқа да толғандырған сұрақтарына жауаптарын алды.