Қармақшы аудандық қоғамдық денсаулық сақтау басқармасы қызметкерлері "Ұлттық сараптама орталығы" аудандық филиалының мамандарымен бірлесіп Жосалы кентінде орналасқан "Айжан" дүкенінде "Қауіпсіз тағам таңда", "Ұнды фортификациялау, оның артықшылықтары мен қажеттілігі" тақырыптарында акция өтті. Акция барысында тағам өнімдеріне экспресс сараптау жүргізілді. Бактериологиялық зертханаға 10 тағам үлгісі алынды: 3 түрлі балмұздақ, кекс, холодец, шұжық, балқытылғанірімшік, пицца, бәліш өнімдері. Сонымен қатар химиялық зертханаға 2 түрлі қияр, қызанақ өнімдері алынып, тексерілді, сәйкессіздік анықталған жоқ. Дүкенде сатып алушылар арасында тағамның сапасы мен қауіпсіздігіне байланысты сауалнамалар таратылып, қауіпті тағам анықталған жағдайда тиісті органдарға жүгінуге болатындығы жөнінде түсіндірілді. Сонымен қатар «Ұнды фортификациялау, оның артықшылықтары және қажеттілігі» тақырыбында фортификациаланған ұнның денсаулыққа пайдасы туралы түсіндірілді.