Қасым-Жомарт Тоқаев Қызылорда облысы әкімін қабылдады

Kyzylorda-news.kz. Қасым-Жомарт Тоқаев Қызылорда облысы әкімін қабылдады, деп хабарлайды Ақорданың баспасөз қызметі.

 

Мемлекет басшысына Қызылорда облысын 2022 жылға дейін кешенді дамыту жоспарының негізгі қол жеткізілген көрсеткіштері туралы есеп берілді.

Сондай-ақ әкім Қазақстан Президентінің өңірге жұмыс сапары барысында берілген тапсырмаларының орындалуы барысы туралы баяндады.

Қасым-Жомарт Тоқаев облыс халқының әл-ауқатын арттыруға және өңірдің экологиялық мәселелерін шешуге бағытталған тиімді шаралар қабылдаудың маңыздылығын айтты.

Кездесу қорытындысы бойынша Қазақстан Президенті Қ.Көшербаевқа бірқатар нақты тапсырма берді.