ҚР Президенті Қасым-Жомарт Тоқаев Қызылорда өңірінде
ҚР Президенті Қасым-Жомарт Тоқаев Қызылорда өңіріне жұмыс сапары аясында «Жан-Арай» ЖШС-ның күріш өңдеу және құрама жем зауыттарының жұмысымен танысты. Зауыт тәулігіне 150 тонна күріш, 170 тонна ұн өңдейді. Сондай-ақ, тәулігіне 80 тонна жем өндіреді. Кәсіпорында 300-ге жуық адам жұмыс істейді.
Айта кетейік, облыстың ауыл шаруашылығы өндірісі кешеніндегі экспортталатын өнімдер соңғы алты жылда 3-тен 15 түрге көбейді. Өткен жылдың қорытындысы бойынша экспорттың 97 пайызы қайта өңделген өнім үлесіне тиесілі. Облыстың агроөнеркәсіп кешенін дамыту үшін агрокарта әзірленді. Оның мақсаты - экспорттың өсуін және өзіндік қауіпсіздігін қамтамасыз ету.
