БОЛАШАҚ ТЕХНОЛОГТАР БАҚ СЫНАДЫ
Жақында Қызылорда облысының білім басқармасының ұйымдастыруымен «Абылай хан» колледжі базасында «Мода технологиясы» құзыреті бойынша облыстық деңгейде іріктеу сайысы өткізілді. Мақсат «Worldskills Kazakhstan» ұлттық чемпионатына қатысушыларды анықтау болатын.
Екі күнге созылған шараға тәжірибелі технологтар сарапшылық етті. Эскиздеу, муляж, пішу, тігу шарттары негізінде өткізілген тартысты сайысқа Қармақшы аграрлы-техникалық колледжінің білім алушысы Жазира Серікбаева қатысқан еді. Ол облыстық деңгейде өткізілген «Мода технологиясы» құзыретінің нәтижесінде І орынды иеленді. Білім алатын оқу орны мен ұстаздарының мерейін үстем етті. Қармақшылық колледж оқушыларының осал еместігін аңғартты.
Он саусағы майысқан өнерлі жерлесімізді жүлдесімен құттықтаймыз.
Гүлжанат ДҮЗЕНОВА,
«Қармақшы таңы».
