«БАУЫРСАҚ PARTY» – НАУРЫЗ ТАРТУ
Қызылорда қаласындағы Назарбаев Зияткерлік мектеп қауымдастығы Ұлыстың ұлы күні Наурыз мерекесін тойлауда.
Оқушылар мен қызметкерлер концерттік бағдарламаның соңғы дайындық жұмыстарын пысықтап жатса, ата-аналар қауымы қазақ халқының ұлттық тағамы бауырсақ пісіруде белсенділік танытты.
Аналар қазанға май қыздырып, қамыр жаюдан шеберліктерін көрсетсе, әкелер қазан-ошақ жайын қамдады.
Жанару мерекесі аясында ұйымдастырылған "Бауырсақ party" шарасында 200 келідей бауырсақ пісіріліп, ыстықтай үйлестірілді.
Барлығы 1000-ға жуық оқушылар, мұғалімдер мен мектептің қызметкерлері «ас атасынан» дәм татып, ата-аналардың мерекелік тартуына ризашылығын білдірді.
