ҚАРМАҚШЫЛЫҚТАР ЕЛОРДАҒА НҰР-СҰЛТАН АТАУЫН БЕРУДІ ҚОЛДАДЫ
Бүгін Ш.Төлепова атындағы аудандық мәдениет үйінде Елорданың «Нұр-Сұлтан» қаласы болып қайта аталуын қолдау мақсатында «ЕЛ ЖҮРЕГІ - НҰР-СҰЛТАН» - атты аудандық патриоттық акция ұйымдастырылды.
Аталған іс-шарада, Қазақстан Республикасының Президенті Жарлығымен Қазақстан Республикасының Астанасы – Нұр-Сұлтан қаласы болып қайта аталуы, Ел Президентінің бұл тарихи шешімі – Қазақстан Республикасы Парламентімен бірауыздан мақұлданғандығы, еліміздің саяси дамуындағы қалыпты жағдай болып табылатындығы туралы кеңінен сөз қозғалды.
Қармақшы жұртшылығы – тарихи шешімге қолдау білдіріп, Астананың «Нұр-Сұлтан» болып аталуына бірауыздан қолдау көрсететіндігі туралы аудан активтері мінберге шығып өзінің ой пікірлерін жеткізді.
Шара соңы аудан өнерпаздарының орындауындағы концерттік бағдарламаға жалғасты.
