«НЕВАДА – СЕМЕЙ» ҚОЗҒАЛЫСЫНА 30 ЖЫЛ
Биылғы жылы «Невада - Семей» қозғалысының құрылғанына 30 жыл толып отыр.
Осы ретте аудан әкімінің орынбасары Меңлібаев Еркебұлан Қайырбекұлы Семей ядролық полигонында азаматтық борышын өтеген азаматтарды қабылдады.
Сонымен бірге қабылдауда аудандық ардагерлер кеңесінің төрағасы Есдәулетов Қаршыға сөз алып, пікірін ортаға салды.
«Невада-Семей» халықаралық антиядролық қозғалысының бастамасымен Елбасымыз Нұрсұлтан Назарбаев 1991 жылы 29 тамызда Семей полигонын жабу жөніндегі тарихи жарлыққа қол қойған болатын.
Ал Біріккен Ұлттар Ұйымының Бас ассамблеясы 2009 жылы Қазақстанның бастамасын қолдап 29 тамызды дүниежүзілік ядролық сынақтарға қарсы іс-қимыл күні деп жариялады.
