Азаматтық қорғаныс күні тарихы

Бүкіл әлемдік Азаматтық қорғаныс күні Қармақшы ауданның Төтенше жағдайлар бөлімі бірқатар қызықты және танымдық іс-шараларды өткізді. Мектептің оқушылары арасында әскери спорттық эстафеталық жарыстар ұйымдастырылып, олардың білімдері мен дағдылары пысықталды.

Қармақшы аудандық білім бөлімінің жеті мектебі яғни, №26, 27, 30, 105, 121, 183 және 250 мектептерінен 200 ге жуық оқушылары кезекті көрмені тамашалады. Көрменің мақсаты – балаларды табиғи және техногендік сипаттағы төтенше жағдайлармен таныстыру, экстремалды жағдайда өзін қалай ұстау тәртібі туралы, бүкіл әлемдік Азаматтық қорғаныс күні тарихы туралы ақпаратты жеткізу.

Әрі қарай 5 Өрт сөндіру бөлімнің алаңында құтқару бөлімшелердің арнайы техникасының көрсетілімі ұйымдастырылды. Техниканы көру кезінде өрт автокөліктері мен апаттар медицинасы орталығының реаномобилі балалардың ерекше назарын аударды. Танымдық экскурсия барысында 200-ден астам оқушылар жедел-құтқару жасағының құтқару техникалары мен жабдықтарымен танысуға мүмкіндік алды.

Айта кететін болсақ, көрмеге 5 Өрт сөндіру бөлімі 3 техника, 20 қызметкер және Жосалы күре жолдық медициналық пункті 1 техника, 4 қызметкер мен Орман шаруашылығы және Жануарлар дүниесін қорғау мемлекеттік мекемесінен 1 техника 5 қызметкер көрмеге ат салысты.