Елбасының жыл сайынғы Жол­дауын Қазақстан халқы асыға күтеді. Өйткені, ол баршамыз үшін бола­шаққа бағыт сілтер бағдаршам іспетті. Ертеңіне елеңдеп отыратын жұртшылық үшін бұл Жолдау да жақсы жаңалықтарға толы болды.

Әрбір Жолдауында Ұлт көшбас­шысы халықтың жағдайына айрықша назар аударатыны байқалады. Күні бүгінге дейін белгіленген міндет­тердің бәрі жыл өткен сайын орын­далу үстінде. Өз тәуелсіздігінің жиыр­ма алты жылын артта қал­дырған егеменді еліміз бүгінде жаңа эко­­но­микалық өрлеу жолында.

Н.Назарбаевтың биылғы Жол­­дау­ын­да білім беру саласына айрықша мән берілген.

– 2019 жылдың 1 қыркүйегіне қарай мектепке дейінгі білім беру ісінде балалардың ерте дамуы үшін өз бетінше оқу машығы мен әлеу­­­меттік дағдысын дамытатын бағдарламалардың бірың­ғай стан­дартын енгізу қажет. Педагог­тарды оқыту және олардың біліктілігін арттыру жолдарын қайта қарау керек болады, – деген Елбасы сөзінен мұғ­а­лімдерге оқу сапасын күшейту мақ­сатында зор міндет жүктеп отыр­ға^­нын аңғаруға болады.

Алға қойылған межелі міндет оры­ндалса, мақсаттың да жүзеге асуы оңай.

Жаңа құжаттағы жағымды жаңа­лық­тарды барлық саланы қамтитын және үздіксіз өсуді қамта­масыз ететін жаңғыру жолы деуге болады.

Биіктерді бағындырар даңғыл жолға бағыт бар, тек салынған сара жолмен сүрінбей жүріп өту, сөйтіп еңселі елдер бағындырған белес­терге жету тек өзіміздің ғана қолымызда.