Жалпы білім беретін пәндер бойынша Республикалық олимпиаданың облыстық кезеңі өтті. 

Қармақшы ауданының командасына басшылық жасаған аудандық білім бөлімінің әдіскері Әбенова Тәжігүлдің айтуынша ауданымыздың білім беру ұйымдарынан 27 оқушы қатысып, оның ішінде І орынды - 2 оқушы, ІІ орынды - 3 оқушы, ІІІ орынды - 9 оқушы иеленіп, барлығы 14 оқушы жүлдемен оралып аудан абыройын асқақтатты.

№113 орта мектептің 11 сынып оқушысы Қожабай Гаухар құқық негіздері пәнінен 1-орынды пән мұғалімі Ерімбетова Жанар, №272 орта мектептің 11 сынып оқушысы Ғалымжанова Айдана қазақ тілінде оқытылатын мектептердегі орыс тілі пәнінен 1-орынды, пән мұғалімі Халлаева Шынзадай иеленіп, алдағы болатын жалпы білім беретін пәндер бойынша Республикалық олимпиадаға қатысатын болады.