1 қаңтардан бастап Қазақстанда айыппұл мөлшері қанша пайызға артты?

2019 жылы Қазақстанда айыппұл мөлшері бес пайызға артты. Көлік салығы да көбейді. АЕК мөлшері өзгергендіктен көлік иелерінің де біраз ақшадан қағылуына тура келеді деп хабарлайды

2019 жылдың 1 қаңтарынан бастап көптеген төлемдермен тығыз байланысты айлық есептік көрсеткіш көлемі 120 теңгеге артып, 2 405 теңгенің орнына 2 525 теңге болған. Яғни 5 пайызға жоғарылады.

Сондай-ақ автокөлік иелерінің түрлі жағдайларға қатысты жасайтын төлемдерінің де көлемі артты.

Мысалы, жылдамдықты сағатына оннан жиырма шақырымға дейін арттырғандар осыған дейін 12 025 теңге айыппұл төлеп келсе, 1 қаңтардан бастап оның көлемі 12 625 теңгеге тең болмақ.

Тротуарда, гүлзарда, көгалда не балалар ойнайтын алаңдар мен спорт алаңдарында тоқтап тұрғандар бұдан былай 24 050 теңгенің орнына 25 250 теңге (10 АЕК) төлейтін болады.

Әкімшілік кодекстің кейбір баптарындағы ереже бұзғаны үшін көлік басқару құқығынан айыратын жаза түрі айыппұл салумен ауыстырылуы мүмкін. Бірақ құжатқа енуі мүмкін бұл өзгерістерді депутаттар әлі де қарастыруда.

Көлік салығы да былтырғы жылмен салыстырғанда арта түскен.

Мысалы, 2018 жылы ел қазынасына 2 АЕК, яғни 4 810 теңге құйған шағын литражды (қозғалтқыш көлемі 1 100-ден 1 500 текше см-ге дейін) көлік иелері 2019 жылдан бастап 5 050 теңге төлемек.

3 АЕК немесе 7 215 теңге төлеп келгендер енді 7 575 көлемінде ақша жұмсайды.