ЖАРҚЫРА, ШАТТЫҚ ШЫРШАСЫ
Жосалы кентінің орталық алаңында «Жарқыра, шаттық шыршасы» атты Жаңа жыл шыршасының алғашқы шамын жағу салтанаты өтті.
Шарада аудан әкімінің міндетін атқарушы Қошалақов Әділ Үсенұлы сөз алып, барша аудан тұрғындарын келе жатқан Жаңа жыл мерекесімен құттықтады.
Сонымен бірге шара барысында білім, денсаулық сақтау, мәдениет, спорт, мемлекеттік қызмет саласының үздіктері жыл қорытындысы бойынша «Жыл үздігі» номинациясымен марапатталды.
Атап айтқанда «Жылдың үздік мемлекеттік қызметшісі» номинациясымен Ким Эдуард Моисейевич, «Үздік кәсіпкер»номинациясымен Бұқпанова Жанар Мусақызы, «Үздік құрылысшысы» номинациясымен Кузембаев Нұрбек Кенжебекұлы, «Үздік дәрігері» номинациясымен Мырзағұлов Айбек Маратұлы, «Үздік мәдениет саласы қызметкері» Ержанов Даурен Дауылбекұлы, «Үздік спортшысы» номинациясымен Мақшат Мейіржан Қалданұлы, Үздік үкіметтік емес ұйымы» номинациясы «Ұлт бірлігі-Қармақшы» қоғамдық бірлестігіне, «Жылдың үздік білім беру ұйымы» номинациясы Ш.Уалиханов атындағы №26 орта мектебіне табысталды.
Шара соңы аудан көркемөнерпаздарының концерттік бағдарламасына жалғасты.
