ӘЙЕЛДЕР МӘҢГІ ЖАСАСЫН
Жақында Қызылордада облыстық ауыл әйелдерінің І форумы өтіп, оған өңірде жемісті еңбек етіп жүрген белсенді әйелдер қатысты.
Айтулы шараны облыс әкімінің орынбасары, облыстық әйелдер істері және отбасылық-демографиялық саясат жөніндегі комиссиясының төрағасы Руслан Рүстемов ашып, Сыр елінде аймақ дамуы мен отбасы ұйытқысы болған 35 әйел-анаға облыс әкімінің дипломын тапсырды. Олардың қатарында «Үздік білім қызметкері» номинациясымен №106 мектептің бастауыш сынып мұғалімі Гүлжанат Нұрмаханова, «Үздік медицина қызметкері» номинациясымен Жаңажол ауылдық дәрігерлік-амбулаториясының фельдшері Дәметкен Өтепбергенова, «Үздік фермерлік және шаруа қожалығының басшысы» номинациясымен «Ауылым Абыла» шаруа қожалығының жетекшісі Шырынкүл Күзембаева, «Үздік пошта қызметкері» номинациясымен Төребай би пошта-байланыс бекетінің бастығы Ағдагүл Исаева, «Үздік сауда және қызмет көрсету саласындағы шағын және орта бизнес басшысы» номинациясымен «Батыс Еуропа-Батыс Қытай» автодәлізі бойындағы «Ақ сарай» қызмет көрсету кешенінің басшысы Губчак Рагибова бар.
Шара соңы мерекелік ән-жырмен әрленді.
Сәрсенкүл АҚКІСІ
