«Түнгі сот» пилоттық жобасының басты артықшылығы - азаматтардың уақытын, тіпті олардың жеке қаражаттарын үнемдеу, істерді қарау мерзімін қысқарту, сот жүйесінің ашықтығы мен қолжетімділігін арттыру.

Мәселен, Қармақшы аудандық сотында «Түнгі сот» жобасы аясында Қазақстан Республикасының Әкімшілік құқық бұзушылық туралы кодекстің 434-бабының 1-бөлігімен азамат Е.-ге қатысты әкімшілік іс қаралды.

Құқық бұзушы Е. сот процессі тағайындалған уақытта жұмыста болуына байланысты, әкімшілік құқық бұзушылық туралы әкімшілік істі жұмыс уақытынан кейін қарау жөнінде өтініш білдірген.

Құқық бұзушы Е. қоғамдық орында темекі қалдығын жерге тастап, ортақ пайдалану орнын ластап, айналасындағыларға сыйламаушылық білдіріп, ұсақ бұзақылық жасаған.

Сот отырысында құқық бұзушы Е. кінәсін мойындап, өкініп кешірім сұрады.

Сот қаулысымен құқық бұзушы Е.-ны Қазақстан Республикасының ӘҚБтК-нің 434 бабының 1 бөлігімен кінәлі деп тауып, оған салынатын 5 айлық есептік көрсеткіш мөлшеріндегі 12 025 теңге айыппұл сомасы 30 пайызға қысқартылып, 8 418 теңге айыппұл салынды.

Қайнар:

Қармақшы аудандық сотының баспасөз қызметі.