АРДАРГЕРЛЕРГЕ ҚҰРМЕТ КӨРСЕТТІ

1-желтоқсан Қ Р Тұңғыш Президенті күніне орай аудан әкімі Сұлтан Ысқақаұлы Мақашов Ұлы Отан соғысының ардагерлері Жарманов Қалмырза мен Бисенбаев Қуанышбай ақсақалдардың үйде болып мерейлі мерекемен құттықтап, Қармақшы ауданының 90 жылдығы мерекелік медальін табыстады.

Ардагерлермен кездесуде аудан әкімі Сұлтан Ысқақұлы:

-Өздеріңіздің жауынгерлік және еңбектегі ерліктеріңіз халқымыздың жадында мәңгі сақталады. Сіздердің жеңістеріңіздің тарихы – патриотизм мен ел бірлігінің нағыз үлгісі. Тәуелсіздік алып, ел еңсесін тіктеп бейбіт өмір сүру – халқымыздың қажымас қайратының, батыр бабаларымыздың ерлігі мен еңбегінің арқасында келді – деп айтып өтті.

Ардагерлеріміз өз кезегінде ыстық ықласын білдіріп, ақ батасын берді.