МАЛ БАСЫ САНЫ ӨСІП КЕЛЕДІ
Мал шаруашылығында өткен 2017 жылы статистикалық есептерге сәйкес өткен жылмен салыстырғанда мал басының барлық түрінен өсім қалыптасты. Бұған мемлекеттік «Сыбаға», «Құлан», «Нәтижелі жұмыспен қамту және жаппай кәсіпкерлікті дамыту» бағдарламалары шеңберінде атқарылған жұмыстар септігін тигізді. 2017 жылы мал шаруашылығын қолдауға барлығы 53,9 млн.теңге субсидия бөлінді. 2017 жылы «Сыбаға» бағдарламасы аясында «Аграрлық несие корпорациясы» АҚ облыстық филиалы және «Қорқыт елі» кредиттік серіктестігі арқылы 5 шаруа қожалығы 42,1 млн. теңге несие алып, 233 бас сиыр, 10 бас бұқа сатып алды.
