ҚР Президенті Н.Назарбаев сала­да соңғы жылдары көп жұмыс атқарылғанын айта келе, әлі де қалың бұқараның сенімін иелену мәселесі шешілмей тұрғанын жеткізді. Әлбетте, елмен етене еңбек ететін сала мамандарының бұл рет­тегі талпынысы жоқ деуге болмайды. Мемлекет басшысы заңның орындалуын қамтамасыз ететін жүйелі саланы жаңғыртуды тапсырды.
Қазір сандық технология деге­ніңіз ел-елді аралап, шалғай елді мекендерге де табан тіреді. Қазір сот органдары облыстық орталықпен тығыз қарым-қатынаста дамиды. Тіпті, қай ауданның қай судьясы қай уақытта қандай істі қарайтынына дейін орталық базадан шығып тұр. Әйтпесе, арасы 500-600 шақырым болатын жерлер секунд сайын хат алмасып, бір базаны пайдалануда.ҚР Президенті заманауи форматтар мен озық электронды сервистерді енгізуді тоқтатпай, жалғастыра беруді, саланы дамытуда еңбек етуді тапсырды.
«Бір жылда елде 4 миллион аза­маттың ісі сотта қаралады. Бұған қан­шама күш пен қаражат жұмсалады. Уақыт пен ресурстардың орынсыз шығынын қажет ететін артық сот рәсімдері қысқаруы тиіс» деген Елба­сы сот жүйесінің сапалы дамуын, кадрлардың жаңаруын қамтамасыз етіп, үздік заңгерлер судья болуға ұмтылардай жағдай жасау керегін айтты.
Біздер, яғни сот саласының қыз­­­меткерлері Елбасы айтқан басым бағыттар бойынша еңбек ет­іп келеміз. Бұл жұмыстың нәти­же­­сінде сала да­муы артып, қазіргі же­тістіктерді еселейтінімізге се­не­мін.