Агроколледжге Қ.Әбішевтің есімі берілмек

Қармақшы аграрлы-техникалық колледжіне ауданда ауыл шаруашылығы саласына өмірінің соңына дейін зор еңбек сіңірген Қылышбек Әбішевтің есімі берілмек. Бұл туралы «Жаңажол» серіктестігінде өткен «Дала күні – 2018» семинарында аудан әкімі С.Мақашов мәлім етті.

– Қылышбек Әбішев өз тұғырына шыққан азамат. Соңына сара жол қалдырды. Елге сыйлы, салаға маңдай терін төккен Қылышбек ағамыздың есімін колледжге берсек, ел де разы болар, – деді облыс әкімі Қ.Көшербаев.

Қылышбек Әбішев 1994-2016 жылдар аралығында Дүр Оңғар ауылындағы «Жаңажол» ЖШС директоры қызметін атқарып келген. «Құрмет», «Парасат» ордендерінің иегері. «Еңбек Даңқы» І медалімен марапатталған. Өмірінің соңына дейін сала дамуына атсалысты.