Аудан әкімі С.Мақашов ел дамуына сүбелі үлесін қосып, маңдай терін төгіп жүрген бірқатар азаматты «Астана қаласына – 20 жыл» мерекелік төсбелгісін табыстады.
Марапат көгіне көтерілгендердің қатарында аудандық мәслихат хатшысы М.Наятұлы, аудандық қоғамдық кеңес төрағасы И.Айекенов, «Тұрмағамбет» ЖШС күрішшісі Т.Романов бар.
Еңбек адамына құрмет көрсетіп, қадір тұтудан кенде қалмаған ауданда сондай-ақ, мемлекеттік қызмет саласында уәкілетті органның құрылғанына – 20 жыл толуына орай шағын футболдан өткен облыстық турнирде өрнекті ойын көрсеткен азаматтар марапатталды. Айта кетейік, аудан атын шығарып, облыс бойынша үздік үштікті түйіндеген жерлестеріміз Ж.Қалымбетов, Н.Мырзабаев, Н.Шәпи, Н.Жолмаханов, Б.Құндақбаев, Ә.Машарапов еді. Оларға аудан әкімінің алғыс хаты табысталды.