Кеше қазақ халқының рухани көсемі, Алаштың ардақты арысының бірі Ахмет Байтұрсынұлының туған күні. 1873 жылдың 5 қыркүйегінде дүниеге келген Ол қазақ әдебиеті мен әдебиеттану ғылымының, тіл білімінің атасы, реформаторы. Оның қазақша әліппе жасауы, қазақ тіл білімінің негізгі терминдерін ойлау мүмкіндігімен сабақтастырып, оларға тұңғыш анықтама бергені, дыбыс, сөз, сөйлем жүйесін қалыптастырған елеулі еңбегін бүгінде көптеген әлем ғалымдары мойындап отыр. Оның: «Өзіміздің елімізді сақтау үшін бізге мәдениетке, оқуға ұмтылу керек. Ол үшін ең алдымен, әдебиет тілін өркендету керек...» деген сөзі бар болатын. Елі үшін еңбегін арнаған асыл азаматтың осы айтқаны қазіргі уақыттада күшін жойған жоқ.