Аудан әкімдігінің мәжіліс залында үкіметтік емес ұйымдармен өзара іс-қимыл және әріптестік жөніндегі аудандық кеңестің кеңейтілген мәжілісі өтті. Кеңес мәжілісінде аудандық ішкі саясат бөлімінің, жұмыспен қамту, әлеуметтік бағдарламалар және азаматтық хал актілерін тіркеу бөлімінің, дене шынықтыру және спорт бөлімінің және Төретам кенті, Ақай ауылдық округі әкімдіктерінің үкіметтік емес ұйымдармен бірлесе атқарған жұмыстары және алдағы жоспары туралы мәселелер қаралды.

Мәжіліс соңында, кеңес мүшелері мен үкіметтік емес ұйым жетекшілерінің ұсыныс пікірлері тыңдалып, талқыланған мәселелер бойынша жауапты мемлекеттік мекеме басшыларына азаматтық қоғамды дамыту бағытында тиісті жұмыстарды атқаруға тапсырмалар берілді.