ҚОҒАМДЫҚ ИНСТИТУТТАР ТІРЛІККЕ ТІРЕК БОЛМАҚ
Жуырда аудандық жастар ресурстық орталығында үкіметтік емес ұйым өкілдерінің қатысуымен еркін форматта кездесу өтті. Жиынға аудан әкімінің орынбасары Еркебұлан Меңлібаев, облыстық «Азаматтық альянс» қауымдастығының төрағасы Жандос Базартай, облыстық «Жас Ғалымдар Альянсы» қоғамдық бірлестігінің президенті Ғани Байұлы қатысты.
Шара барысында үкіметтік емес ұйым өкілдері азаматтық сектордың қызметін жақсарту жөнінде бірқатар көкейкесті мәселе көтеріп, жиында қатысушылар тарапынан түскен ұсыныстар зерделенді. Сондай-ақ, алдағы уақытта Астана қаласында өтетін форумға қатысатын кандидаттарды бірауыздан қолдап, дауыс берді. Форумға ауданнан «Ардагерлер кеңесінің» төрағасы Ж.Жәкеев пен «Ұрпақтан ұрпаққа» қоғамдық бірлестігінің төрайымы Ү.Махамбетова ұсынылды.
– Қандай да болмасын бастаманы жүзеге асыруда үкіметтік емес ұйымдардың маңызы зор. Бүгінгі еркін форматтағы кездесуде шешімін таппай жүрген ұсыныстар сараланды. Алдағы уақытта жауапты органдармен жұмыс жасалады, – деді облыстық «Азаматтық альянс» қауымдастығының төрағасы Жандос Базартай.
Айнұр ӘЛИ,
«Қармақшы таңы».
