Қазақстанда алдағы үш күнде ауа райы қандай болады?
«Қазгидромет» 2026 жылғы 21-23 қарашаға арналған ауа райы болжамын жариялады, деп хабарлайды Egemen.kz.
Синоптиктердің мәліметінше, алдағы күндері Қазақстанның басым бөлігіне солтүстік-батыс циклондар әсер етеді. Алдымен қолайсыз ауа райы елдің батысында байқалып, кейін солтүстік-батыс пен солтүстік өңірлерге таралады.
Республика аумағында қар аралас жаңбыр жауады. Солтүстік аймақтарда көктайғақ болуы мүмкін. Ауа температурасы айтарлықтай өзгермейді.
Ал еліміздің шығысында жауын-шашынсыз ауа райы сақталады. Сонымен қатар республика бойынша жел күшейіп, тұман түсуі ықтимал.













