Қар, тұман, көктайғақ: 17 қарашаға арналған ауа райы болжамы жарияланды
Дүйсенбі күні Қазақстанның басым бөлігінде жауын-шашын болмайды
«Қазгидромет» 17 қарашаға арналған республика аумағындағы ауа райы болжамын жариялады, деп хабарлайды Azattyq Rýhy.
Синоптиктердің мәліметінше, Қазақстанның көп өңірі антициклон ықпалында болып, жауын-шашынсыз ауа райы күтіледі.
Батыс пен солтүстікте қар, жаңбыр және көктайғақ болады.
Атмосфералық фронттардың өтуіне байланысты батыс, солтүстік-батыс және солтүстік өңірлерде жауын-шашын (жаңбыр, қар) түседі.
Кей аймақтарда көктайғақ, ал солтүстік-батыста боран болжанады.
Еліміздің бірнеше облысында тұман мен қатты жел тұрады. Синоптиктердің ақпараты бойынша, Қазақстан бойынша тұман күтіледі. Сонымен бірге солтүстік, солтүстік-батыс, шығыс және оңтүстік-шығыс өңірлерде желдің күшеюі мүмкін.
