Тұман, жел: 16 қарашаға арналған ауа райы болжамы жарияланды
Қазақстанда 16 қараша күні бірқатар өңірде тұман түсіп, жел күшейеді. Бұл жөнінде «Қазгидромет» мәлімдеді, деп хабарлайды Azattyq Rýhy.
Елдің басым бөлігінде жауын-шашын болмайды
Синоптиктердің мәліметінше, республика аумағының көп бөлігі антициклон ықпалында болады. Соның әсерінен ауа райы негізінен құрғақ, жауын-шашынсыз өтеді.
Батыста және солтүстік-батыста – жаңбыр мен қар
Атмосфералық фронттардың өтуіне байланысты Батыс және Солтүстік-батыс өңірлерде жаңбыр мен қар түріндегі жауын-шашын күтіледі.
Тұман мен жел күшейеді
Ауа райын болжаушылар республика бойынша түнде және таңертең туман түсетінін ескертеді.
Сонымен қатар:
- Солтүстік,
- Солтүстік-батыс,
- Шығыс,
- Оңтүстік-шығыс өңірлерінде желдің күшеюі болжанады.
