"Шаңды дауыл соғып, жаңбыр жауады": Синоптиктер алдағы күндерге арналған ауа райы болжамын ұсынды
Синоптиктер 14-16 сәуірге арналған ауа райы болжамын жариялады.
“Қазгидромет” мәліметіне сүйенсек, Қазақстан аумағы арқылы өтетін циклон салдарынан ауа райы тұрақсыз болады. Найзағай ойнап, жаңбыр жауады, жел күшейеді.
Республика бойынша тұман, еліміздің батысында шаңды дауыл соғады. Республиканың тек шығысы мен солтүстік-шығысында жауын-шашынсыз ауа райы күтіледі.
Күндізгі уақытта еліміздің солтүстігі мен оңтүстігінде ауа температурасы 20-25 градусқа дейін, орталық аймақтарда 17-22 градусқа дейін көтеріледі. Ал шығысында 12-20 градусқа дейін жылынады.
