ЖОЛДАУ – ЕЛ ДАМУЫНЫҢ СТРАТЕГИЯЛЫҚ БАҒДАРЫ
Мемлекет басшысы Қасым-Жомарт Тоқаевтың Қазақстан халқына арнаған Жолдауы – еліміздің алдағы даму кезеңіне бағыт-бағдар беретін маңызды саяси құжат. Онда мемлекет пен қоғамның алдында тұрған өзекті міндеттер айқындалып, экономиканы жаңғырту, халықтың әл-ауқатын арттыру, білім мен ғылымды дамыту, цифрлық технологияларды кеңінен енгізу және ұлттық қауіпсіздікті нығайту мәселелері кеңінен қамтылды.
Бүгінгі әлем жылдам өзгеріп, жаһандық бәсекелестік күшейген кезеңде әрбір мемлекет өзінің даму стратегиясын заман талабына сай қалыптастыруы қажет. Осы тұрғыдан алғанда, Президент Жолдауында көтерілген экономикалық өсім, инфрақұрылымды жаңғырту, энергетикалық әлеуетті арттыру және цифрлық трансформация мәселелері еліміздің ұзақ мерзімді дамуы үшін ерекше маңызға ие.
Мемлекет басшысы атап көрсеткен басым бағыттардың бірі – білім мен ғылымды дамыту. Себебі кез келген елдің басты байлығы – оның адами капиталы. Білімді, бәсекеге қабілетті, заманауи технологияларды меңгерген ұрпақ қана мемлекеттің тұрақты дамуына үлес қоса алады.
