ҚАРМАҚШЫДАН – ЖӘРМЕҢКЕГЕ МОЛ ӨНІМ!
Бүгін Қызылорда қаласының Журба көшесінде Қармақшы ауданының ауыл шаруашылығы өнімдері қала тұрғындарына ұсынылуда.
Жәрмеңкеге ауданнан 42 автокөлікпен 98,4 тоннаға жуық өнім жеткізілді. Оның ішінде: күріш – 17 тонна; бақша және көкөніс өнімдері – 55 тонна; ет өнімдері – 5 тонна; балық өнімдері – 3 тонна; жеміс-жидек – 6 тонна; сүт өнімдері – 0,5 тонна; кондитерлік өнімдер – 0,5 тонна; бал – 0,2 тонна; жиде – 0,1 тонна; тұздалған өнімдер – 0,1 тонна.
Сонымен қатар жәрмеңкеге қажетті жем-шөп те сатылымға ұсынылды.
Қармақшылық шаруалардың берекелі еңбегінің нәтижесі – сапалы өнім қала тұрғындарына қолжетімді бағамен ұсынылуда!
