ӨТКЕННІҢ ҮНСІЗ КУӘГЕРЛЕРІ
Қармақшы өңірі – сан ғасырлық тарихтың сырын бойына сақтаған қасиетті мекен. Осы өлкенің көне өркениетінен сыр шертетін Шірік-Рабат қалашығы, Бәбіш-мола кешені, Жетіасар мәдениеті және Сортөбе қалашығы – ата-бабаларымыздың тұрмыс-тіршілігі, қолөнері, мәдениеті мен дүниетанымы туралы құнды мәлімет беретін бірегей археологиялық ескерткіштер.
Аталған археологиялық ескерткіштерден табылған тарихи жәдігерлерден Қармақшы аудандық тарихи-өлкетану музейінің ұйымдастыруымен №284 мамандандырылған мектеп-лицей-интернатының оқушыларына «Өткеннің үнсіз куәгерлері» атты танымдық көшпелі көрме өткізілді.
Көрме арқылы оқушылар ежелгі қоныстардың тарихымен танысып, археологиялық жәдігерлердің адамзат өркениетін зерттеудегі маңызын түсіне алды. Сондай-ақ көне дәуірдің материалдық мәдениеті таныстырылды. Ғасырлардан жеткен бұйымдар өткен мен бүгінді жалғап, туған өлкенің тарихына жаңаша көзқараспен қарауға мүмкіндік берді.
