ҰЛЫ ДАЛА МҰРАЛАРЫ
Қармақшы аудандық тарихи-өлкетану музейінің ғылыми қызметкері Ә.Бақтыбаевтың ұйымдастыруымен Алдашбай Ахун ауылындағы №111 орта мектепте «Ұлы дала мұралары» тақырыбында танымдық лекция өтті.
Лекция барысында Сақ дәуірінің мұралары Шірік-Рабат пен Бәбіш-мола қалашықтарының тарихы кеңінен таныстырылды. Оқушыларға көне қалашықтардан табылған археологиялық олжалар, жүргізілген ғылыми-зерттеу жұмыстары туралы қызықты мәліметтер берілді.
Сонымен қатар, музей қорында сақталған археологиялық бұйымдар таныстырылып, олардың тарихи маңызы түсіндірілді.
Кездесу жас ұрпақтың тарихқа деген қызығушылығын арттырып, ұлттық мұраға деген құрметін нығайтуға бағытталды.
