БЕРЕКЕГЕ БАСТАҒАН ЖӘРМЕҢКЕ БАЙҚОҢЫРДА
Байқоңыр қаласында аудан әкімінің қолдауымен ауыл шаруашылығы өнімдерінің жәрмеңкесі ұйымдастырылды.
Жалпы жәрмеңкеге 30-дан астам жүк көлігімен 60,5 тонна ауыл шаруашылығы және азық-түлік өнімдері жеткізілді. Сауда сөрелеріне күнделікті тұтынуға қажетті өнімдер жеткізіліп, тұрғындарға нарықтағы бағадан төмен бағада ұсынылды.
Қала тұрғындарын сапалы әрі қолжетімді азық-түлікпен қамтамасыз етуді басты мақсат еткен сауда алаңында күріш, картоп, көкөніс, бақша өнімдері, ет, балық және өзге де қажетті тауарлар бар.
Берекелі күздің сыйын ала келген жәрмеңкеге тұрғындар белсенді қатысып, қысқа қажетті азық-түлік қорын тиімді бағамен толықтырды.
Қармақшы ауданы әкімінің баспасөз қызметі
